二級山藝感想

山藝一二級感想，藝滿的課程設計不錯，但安排及教學手法不當。引來很多同學不滿。
安排及沒有預告不論昂平及蚺蛇尖學員完全沒有節目表，不知道下個節目會做乜，什麼時間到下一個節目。雖說人生有好多時間唔知下一步做乜但最少乜應該有一個簡單的節目預告，及目的。
教學手法不停壓低學員的自信，我地唔係軍訓，鼓勵會唔會比笑罵有效呢？
硬技術的講解十分少雖然大家都係成年人，但係起營，摺地圖．．．等對重未露營的人來講都十分重要。

工聯會山藝一、二級課程完滿結束

昨晚考筆試，好在之前做過預備，信心還是有的。還看下週五網上公佈的成績如何。

對三級沒有什麼興趣，因為在藝滿上一、二級時覺得三級學員唔多好玩。短時間內乜不會參加三級課程，就算參加都唔會係藝滿。

今星期五的有線新聞一台休娛大腳板有我在梅子林的訪問，要搵人幫手錄影先。

添置戶外用品的過程

以下是我的經驗所得

1. 首先都會買對登山鞋, 因為鞋係比較私人的物品, 冇得借。
2. 行多幾次會發覺對背囊會有要求, 例如: 有側網袋, 就會買個有唔同功能的背囊。
3. 買完背囊就會心思思想買快乾衫褲。
4. 行得兩次澗又想體會大自然, 就會買爐具煮食5. 既然都有爐具, 又會想不如去camp 啦, 大背囊, 帳篷, 睡袋, 地蓆 等等都會相繼購入。

我已經開始進入第四個階段

山藝一, 二級蚺蛇雙鹿之旅後記及感想

路線: 赤徑集合, 夜上蚺蛇, 大灣紮營, 咸田起步, 西灣入澗, 溯雙鹿石澗, 鹿湖郊遊徑, 北潭坳管理站散隊.

昨晚十一點由赤徑出發去蚺蛇尖, 之後落大灣起營,  因為人腳參差, 我們有組員去到大灣抽筋, 幾艱苦處理抽筋情況及找到營地, 已經四點半, 大家火速起營, 四點四十五分有得訓 六點幾個大陽已經勁曬, 想訓多少少都唔得, 矇矇矓矓地熟個早餐, 早餐食物: 羅宋米粉, 今朝八點半食完早餐出發到咸田灣等, 玩完游戲就出發過西灣的雙鹿石澗入口 十點由咸田出發, 由咸田灣上山過西灣時又有另一個組員抽筋, 為左要佢可以復原, 只有慢行, 因為我地唔可以有人暈倒, 入到雙鹿, 未到千絲瀑, 昨晚在大灣抽筋的組員因體力不繼退出, 去到嗚幽爆, 又有一位隊員抽筋, 又要再減慢速度, 因為要避免再有人出現體力不繼, 在藏幽瀑底因為等山藝三級的同學仔set 繩橫渡, 又要等。次次set 繩都係勁等, 呢次等兩粒鐘, 好好彩我地有時間休息, 等等o下就訓著左, 在藏幽瀑底訓左兩個鐘, 真係勁爽, 訓覺的時候肌肉硬晒, 要拉筋先可以起行, 玩完石棧道, 再慢慢出澗已經係七點
天色越來越黑又要開電筒落山, 去到北潭坳管制站,已經八點
可以收工!!

感到到一班人行和一個人行的分別及難度上的昇級
難度:
因為組員能力參差, 速度控制十分困難
睡眠不足, 及炎熱天氣令到各組員體能下降
部份組員缺少溯澗經驗, 行進速度受到影響

得著
照顧及分擔抽根組員的附重, 表現出我們的團體精神各組員如果身體不適一定要出聲, 唔好死頂, 死頂後果好嚴重, 第一位抽根的女山藝領袖學員, 可能佢唔係一二級的學生, 做領袖不便示弱, 所以在落蚺蛇的時候, 我聽唔到佢有講到體力不支, 要求多加休息, 我也有責任, 因為我睇唔到佢身體有事, 其實領袖都會有身體不適的時候, 所以出聲都應該唔會不及格。

山藝二級之捉蛇玩鹿

昨晚十一點由赤徑出發去蚺蛇尖, 之後落大灣起營,  因為人腳參差, 我的組員有人去到大灣抽筋, 幾艱苦搞掂左佢的抽筋同搵到營地, 已經四點半, 大家火速起營, 四點四十五分有得訓
今朝八點半食完早餐去到咸田灣等, 玩完游戲就出發過西灣的雙鹿石澗入口
十點由咸田出發, 由咸田灣上山又有另一個組員抽筋, 之後慢行, 入到雙鹿, 未到千絲瀑, 昨晚在大灣抽筋的組員退出, 去到嗚幽爆, 又有一位隊員抽筋, 又要再減慢速度在藏幽瀑底因為等山藝三級的同學仔set 繩橫渡, 又要等。次次set 繩都係勁等, 呢次兩粒鐘, 有時間俾我地休息, 我地就訓覺, 在藏幽瀑底訓左兩個鐘, 真係勁爽, 玩完石棧道, 再出澗已經係七點
又要夜行去北潭坳管制站, 八點先可以完成。

雨戰苦瓜乾

昨晚間中落大雨，第一次跑濕地，好好玩。黃老師話我地已經昇左班，所以好多野都要加碼。
死亡五項變成２５次一組。（勁辛苦）
跑的方法都有改變。
昨晚的跑法可能係天雨的關係有少少改變。

六圈慢跑熱身
死亡五項
三圈慢兩圈快兩圈慢一共七圈
六圈慢跑收工（第四圈開始要掉頭跑）

我的時間大約係
１５：５５
１７：３０
１６：２０

十分開心。

2004/7/18 麥徑三段後記

打風後天氣出奇的好，十分適合登山遠足。一行人等乘96R入北潭坳起步。一開始就上牛耳石山，呢段次次都咁金。我休息左兩三次先可以上到山頂。但已比從前進步。今日的玩法係見山就上，我地上左牛耳石山，石岩山，畫眉山，雷打石山。我自己就吞pop 冇上到雷打石山。去到雞公山腳的時間，好鬼大雨，我地決定折返閃人，因為怕泥路勁跣，最後由北潭出鯽魚湖，我又一次在追趕暴走黑熊的時間出事，呢次輕微好多，只係輕微抽根又只好減慢原本已經唔快的速度，我對腳真係冇佢地咁厲害，體育堂已見成效，在此要多謝黃老師，但我只上了四堂，未及他人數年的成果亦十分合理。我會繼續努力上堂及自修。希望同大家一齊閒遊都唔駛等我就最好喇。

VF4FT 出左

今日vf4ft 在香港出現喇, 我仲未去睇, 因為我依家身在深圳, 聯合4 蚊一個game, 價錢絕對公度, 但我最近幾個月開始玩戶外活動, 對打機的興趣大減, 都唔會好似以前咁日日打成舊水, 大約一個星期玩一次啦。

大城吞pop 之旅

昨日行大城行澗, 帶左妹妹一齊去行, 佢都行過雙鹿, 橫涌, 諗住大城都會應付得到. 可能今日落雨, 所以佢好驚, 行得好慢, 在中段, 我同佢就決定一齊閃人. 我地接虎蹤徑閃人, 途中遇一個迎面而來的人, 腳踏白飯魚, 我好驚佢係ii, 我好鬼緊張, 好在冇事發生.
由十二點半離澗, 點半到菠蘿壩, 在菠蘿壩收拾行裝, 及再組行程, 我地決定走鐵索迷城出大圍, 兩點起步, 四點就到大圍喇, 但係鐵索迷城已經變左冇乜特色, 因為政府整到條路好好行, 好多石屎橋.

GMail

多謝Crayzlegz invite 我用Gmail, 發覺中文support 出現少少問題, 因為Gmail send 出的中文全部都係用 uni-code, 不過呢個都係Trend, 不過速度都幾快, 暫會係 Hotmail 的 backup, 始終都係beta 會有危機

我的Gmail
kenthewolf@gmail.com

昨日為跑步入貨

Mizuno 跑鞋
HKD 448
好好著, 之前兩次都係著Addidas Superstar, 呢次著對跑鞋跑, 完全係兩回事, 舒服好多好多

不知名短褲
HKD 49
唔掂!!! >_< 隻腳想"弟"高d 都kick 住, 早知就用HKD 128 買Mizuno 褲

Kappa 背心
HKD 118
個款好正, 我鍾意!! 最好就唔係Cotton

今天上大陸

穿行山服飾, 很舒適

Karrimor ?衫
MHW 褲
行山boot
背囊

Yeah!!

山藝二級後記

梅子林> 昂平> 鹿巢山> 鹿巢坳> 梅子林

睇條線好似好易行, 但其中包括夜山, full gear 上山, 加上天雨路滑, 行程變得不容易。

晚上七點在漁民新村的 HKMU 集合, 之後就上堂, 連聽十個八個三級山藝學生的Presentation,, 聽到十一點幾, 最後一個鐘勁悶.

一點半才開始上昂平

在HKMU 坐的士到梅子林起步, 梅子林本身都跣, 加上天雨路滑, 跣上加跣, 在梅子林到茅平段, 行得勁慢, 呢段的時間及步速都far behind target, 我自已主要係因為未試過full 行山, 所以勁辛苦, 好鬼重, 我背囊我估有差不多四十lbs,仲行到我腳痛添, 茅平到昂平段就快好多喇, 不知不覺間就行到目的地, 我地一組竟然可以追回之前behind 的時間. 到達昂平的時間是上午三時半. 我地快快手手就起營, 食少少野, 就入睡了. 大約四時就寢.

由於第二朝八點集合, 我地約六點半便要起身, 因為還要熟早餐, 不過我一早六點就起床了, 早餐包括:
米粉, 香腸, 茶

食完早餐就行role player, 睇有唔同意外的時候點處理, 有一項role play 勁變態, 係要抬床過勁多污泥小河

水深到大腿…乜野gore-tex boot 都冇用, 成對boot 都入晒泥…
咁大個仔好少玩到咁勁

下午開始地圖及指南針實習, 但今天天氣不穩, 在鹿巢坳時十分大雨, 又要落d 好斜的山, 勁多泥, 勁跣,

最後等山藝三級的師兄set 繩玩橫渡, 用意大利半結下降belay, 呢個等左個幾鐘先有得玩, 我地o個組又要在最難的雨水渠下降, 其他組都係乾的水渠, 我地就玩勁濕, 勁多青苔, 有一個位冇乜腳位, 我失足跌了一跌, 幸好當時做belay 的山領做得好好。

最後七點半由引水道過梅子林坐的士走人

七一彌散後記

由東涌起步, 一個小時後到達心田, 在村內左轉右轉後去到?踿潭, 並未入澗, 沿山路上, 到達一個可入澗的位置就入澗喇, 初段澗道不難, 有小潭小瀑, 由於天氣太熱, 所以連小潭小瀑都唔放過, 摩天崖前的澗道都是難度不大, 涉水而行比不濕腳的玩法容易

摩天崖的氣勢果然過人, 各人在崖底拍照留念後便沿右邊山路上崖頂, 其實右邊山路也不是容易, 但比摩天崖之險, 絕對輕鬆得多

各人在險位或難位的前後都等齊人才過, 過後也會在安全的地方等齊人才繼續前進, 在崖頂的蔭泉潭便我們玩水和等人的地方, 呢個潭好多泥湫, 有d 仲有成隻手掌咁長, 這個潭的潭水清涼透心, 絕對值得花時間玩水

蔭泉潭側鐵索棧道比雙鹿石澗的石棧道短, 但難度比較高

及後潭瀑相連, 十分漂亮,

在上游的石比較大, 水亦比較少, 好似行緊石河咁 (我冇走過石河),

出澗後再要係咁扯上山頂, 呢個絕對係我的弱項, 在呢段我休息左好多次, 上完山後我地開始落昂平, 落到昂平五點幾, 各行友又加料, 由昂平行落東涌, 到東涌時七點幾




Bear Bear 落山時又狂放, 好快就唔見左人
部份的相

http://www.fotop.net/kenthewolf/NaiShan