2004/7/18 麥徑三段後記

打風後天氣出奇的好，十分適合登山遠足。一行人等乘96R入北潭坳起步。一開始就上牛耳石山，呢段次次都咁金。我休息左兩三次先可以上到山頂。但已比從前進步。今日的玩法係見山就上，我地上左牛耳石山，石岩山，畫眉山，雷打石山。我自己就吞pop 冇上到雷打石山。去到雞公山腳的時間，好鬼大雨，我地決定折返閃人，因為怕泥路勁跣，最後由北潭出鯽魚湖，我又一次在追趕暴走黑熊的時間出事，呢次輕微好多，只係輕微抽根又只好減慢原本已經唔快的速度，我對腳真係冇佢地咁厲害，體育堂已見成效，在此要多謝黃老師，但我只上了四堂，未及他人數年的成果亦十分合理。我會繼續努力上堂及自修。希望同大家一齊閒遊都唔駛等我就最好喇。