攀石練體能

昨晚練完石石, 好"支力"
好耐冇試過做咁多體能訓練

先黎　locking AB 5秒。做三組。

先拉一下引體，第二下到最高就 Lock 住個人五秒，之後九十度五秒，之後百二度五秒。咁為之A

AB 就係做兩次為一組咁解。

之後單手引體。每隻手四下。做三組。
我當然係做唔到單手咁堅啦。所以係有Tap 渣。有人幫手。

就好似圖中咁喇。














之後就係 6-5-4-3-2 又係三組
呢個最痛苦。

六次引體，之後可以吊住休息，但不可以落地。
休完就做五次引體，再休，做四次引體。如此類推。

圖：休息時可以有得”用腳”














最後就係掌上壓八下。三組。

20060405 東龍島攀石

昨日相約新．暴瘋女神去東龍島玩石石。落船後由碼頭行去噴水岩的時候，見到士多上面有一張好醒神的黃綠Mont-Bell Fly，仲有陣陣 MOSS 味。走過去睇下先。

去到營地，見到幾個會友。見到 Big Man 的Seirra Design 營，眾人立即報告 Big Man 前晚與蚊合演殺戮戰場。

告別各會友，向Technical Wall (噴水岩)進發。由於早，所以未有人。先Lead 條 Merry X'mas (f4) 玩玩。呢次係我第一次在東龍島Lead。雖然有新．暴瘋女神幫我做保護。但係好驚。一路上路震。玩完Merry X'mas。

之後有前輩開條 Small Roof (小詩令) (f6a+)。第一時間借黎玩。好好玩。昨日玩左三次都未可以一次過上到頂。不過已經熟左好多。爬得放左。

去到士多食午飯。見到Big Man 與 大雄 在士多死左咁訓覺。營地一定好熱。Big Man 仲話自己有少少中暑添。我祝你回家訓醒覺就冇事啦。

我少玩天然場，所以好手緊，爬得好緊張。以後要多ｄ玩先得。

總括黎講，昨日好晒，好好天氣，玩得好開心。依家兩個肩頭都晒到好痛。