黃雨秋楓澗

昨天本來相約了幾個朋友環湖出咀，但因雷暴關係，決定取消行程。
結果走左去玩秋楓石澗。

秋楓石澗位於西貢東郊野公園。在鹿湖郊遊徑的入口可入澗。因為作天黃雨，所以澗內十分多水，每人必定全身濕透。

最有趣是一線瀑下的潭變成不能游水，因為水流實在太急。

葫蘆潭變大了很多！！因為沒有帶相機，所以只好用PDA 影相。

相片
http://community.webshots.com/album/181334300NFdNXQ

九月行程表

２９／８：環湖出咀
　５／９：臥龍石澗
１２／９：環洲船河
１９／９：長咀露一露？（未落實）
中秋：狐狸叫露營

排得都幾密！

吞pop 跑步行

因為氣壓實在太低，大家都跑得好辛苦，所以跑左十二個圈就閃人。
我好似唔多夠皮，如果今晚天氣好的話，我會再跑。

北上購物

昨日上左大陸買了很多東西

1. Kovea Camp 4 營爐一隻,
2. Black Diamond Zenix LED 頭燈一個,
3. Teva Spider Rubber 涼鞋兩對,
4. 防水袋 x 3
5. 大陽帽一頂
6. 韓仔Gas

今年第一次到泳池游水

昨天晚上和妹妹到觀塘泳地游水，妹妹唔識游，我就教佢要夠膽，先要習慣身體在水中的感覺。教了四十五分鐘後，她已經有進步，但是依然不敢把整個頭沉在水中。最後半小時，我便到大池去游水。我發覺我跑步後，心肺功能真係進步了。連游三四個堂也應付到。以前一定會唔夠氣游咁多個堂。但手臂的力量及耐力不夠。

Virtual Fighter 4 Final Tuned

差不多有一個月沒有去過聯合廣場玩VFFT，各人的進步很大，我還是老樣子。電玩還是輕輕鬆鬆的玩，我知道我也不會像以前放那麼多時間去研究。有時間我也去跑步游泳，始終是身體健康比較重要。這個興趣可以說是告一段落。

對我來講是特別的2004香港小姐

香港小姐：今年特別在家中有睇電視，但我乜只是由最上鏡小姐的頒獎開始睇。因為冠軍小Kate是曾經和我同台演出的舊朋友，但我大學畢業後已很少跳舞，所以沒有什麼聯絡。

真係估唔到我會認識香港小姐冠軍。睇當晚最後一個環節四位佳麗的表現我都估到佢會拎冠軍，除非有黑幕啦。

昨晚睇電視有一個訪問，訪問是在她當選後那天晚上做的。她對答流利，如可以改善太多英文的問題就便好。但都已經睇得出佢好盡力咁用全中文對問。

在此我祝福她星途燦爛，長久，當選後有時間回BCDC 看看老朋友就好喇。

連續出聲

星期六去雙鹿, 一早就掛黃雨, 又雷暴, 睇一睇天文台網頁, 西貢冇落過雨, 下午天氣亦會好轉, 所以決定出發。
等老闆等左大半個小時, 十點半先在西貢出發, 十一點西灣亭起步, 天氣炎熱, 好在有條澗玩玩, 雙鹿我今年已經是第四次玩, 所以都冇乜野好寫。
下午場就係老闆在西貢請食海鮮, 食到好飽
我就趕去六點半場喇, 五點幾就到左馬鞍山友人家中, 玩貓, 睇相好不開心, 六點半準時出發跑步, 跑10km, 第一次跑10km, 時間就唔太重要, 個半鐘左右, 跑完後個膝蓋好”支力”, 但好滿足。
跑完後真的要多謝友人的豐富晚餐。又有毅行者的有趣錄影睇。

由於星期六跑完, 星期日決定和HKNATURE.COM 去閒遊東龍島, 今次終於去到二龍吐珠。最好笑就係”俾佢四個字”的事件。其實呢次係東龍島士多一天遊。
真係十分閒。但勁好玩,

近期目標

頭燈：經過山藝課程的試驗後，鴨記貨真係唔多掂，要買好野先得。
爐：Kovea Camp 4，去camp 就會買。

每樣大約二佰幾蚊。

虎吼石河相片

http://community.webshots.com/album/172803954MLmOdQ

虎吼石河後記

第三次大嶼山之旅
2004年8月8日，星期天，天晴。

行程：中狗牙坑，虎吼石河，中狗牙

早上在東通用過早餐，坐巴士到石壁水塘下車，沿引水道行，入澗位十分明顯。入澗不久，我們以為到了枯壁廊，及後到真枯壁廊的時候才知道先前的是“假野”。此澗水流不大，乜不太崎嶇，但林密、冇風。行進時只有水聲和間中的青蛙聲。連雀仔聲都冇。

沿澗行了三個多小時後，澗窮石河現。當看到石河時，大家十分失望。因為近觀實在不是很壯觀。在石河底小休五分鐘就出征石河。石河初段的石十分輕散，得到我心驚膽跳。慢慢上到一半左右氣力不繼，休息一兩分鐘才可以繼續前進，中上段的石比較實，前進比下段快。這段石河也走了十五至二十分鐘。

出石河後時間是三點多，大休。大休後決定不上?頂，改由中狗落石壁。在中狗回望虎吼石河，原來是十分壯觀。不相信自己剛在那兒上山。
總結：中狗牙坑難度三星，主要難度在於密林及污漕。虎吼石河難度四星。全條路線難度四星，需要極強體能。

今日自修

頭兩個圈
5:02
六個圈
15:05
五個圈有interval
12:12
六個圈
15:30

成績唔錯, 幾開心!!

2004年8月2日晚體育堂

昨晚黎前輩在體育堂有一段話我十分深刻, 聽後有如"茅塞頓開"
內容大致上係咁:你鍾意一樣興趣或運動的話: 就應該要搵理由俾自己繼續鍾意落去, 如果唔係好快就會唔再鍾意這樣興趣, 理由有好多,
大家可以自己發掘例:

有人買好多裝備, 目的係曬裝備, 所以繼續行喇
有人搞行山隊, 迫自己每個星期都帶隊去行
有人參加比賽, 令自己為個比賽努力行山... etc

如果冇呢d 目標, 興趣真係會慢慢咁減退
大家又點睇呢?

愛過方知情重，醉過方知酒濃。

我最近深深咁體會到，人係講唔聽，做好心好言相向。佢地仲會懶醒，搞到冇晒引。我依家已經係你死你事，反正都話唔聽，人唔傷過唔衰過係唔知教訓。見到朋友我都係提一次就算，就等你賴野之後，我就出黎講句：”一早都叫過你ｘｘｘ架啦，你睇？？依家幾慘！”我咁係咪好有問題呢？