今日跟隊遊馬大石澗, 由大水坑村出發, 好多網頁都話條澗係三星, 咁我諗佢同雙
鹿的難度差唔多, 發覺馬大的難度並無雙鹿咁高, 但在英雄崖游水好正
由於我勁玩水, 落後好多, 出澗後就唔見左大隊, 行錯左路, 行行下發覺唔多對
路, 取出指南針及地圖, 原來我行左反方向, 我走左去耀安村方向, 只好減料落馬
鞍山走人
相簿
今日冇甩隊的朋友就慘喇
冇甩隊隊的朋友對下午行程有呢個後記
"
好彩你地下午無行.
下午簡直入左地獄一樣.
原本行程應該去完古道過石壟仔飛瀑, 但領隊落澗行錯路, 攪到要剷林, 點知剷左好
耐都仲係山腰,
後來又要行番上山, 原本諗住上番山當然係搵路落山走人啦!
點知有人話想玩埋條澗, 咁咪又搵路入澗 (都唔知 d 人點解一定要玩條澗! 果陣時
已經剷林剷到無晒mood, 個心淨係想快 d 走)
搵搵下入左沼澤, 然後晌個沼澤的山路兜兜轉轉又行番入沼澤條路.
之後領隊都話放棄唔玩條澗 (因為已經四點幾), 我地又要上番山搵路走.
跟住又闖密林 (闖完之後雙腳都花晒), 但又比領隊跟跟下路標就居然搵到條澗的出
澗位.
所以大隊便沿澗落去梅子林, 再出馬鞍山散隊.
出到去都已經七時多了...
(因為之前已經換左對NB鞋行山路, 點知又要落澗, 我又懶無換番對澗鞋,
卒之行到一步一驚心, 條澗又多青苔, 對鞋又跣....所以我行得好慢,
仲比皮蛋話我技術又差又行得慢....唉!)
今日個領隊唔係好掂, 應變能力唔夠﹗當佢行左路之後好似迷失晒咁, 又或者多資深
行友出聲話"好似係呢條路", 果個又話"係呢邊喎", 所以令到個領隊都好亂.
總之, 今日無玩下午果程絕對係正確的!!
"
