星期六的山藝課程

我的組長還沒有聯絡我，不單是我呀。我還問過其他第一組的隊員，他也沒有收到第一組組長任何的電話、電郵。真的不知道他搞什麼鬼。

如果星期五還沒有收到他的任何消息，我可要自己去赤徑，第二天的要煮食的早餐也只安排自己的份量。

由於大家沒有討論過要帶乜帶物，所以十分擔心帶錯野或帶漏野。

山藝三寶

今日走去買左山藝課程的三寶和少許急救用品
三寶包括 sling, 短繩一條, 鋼扣

2004/5/23 再遊雙鹿石澗

今次有帶對5.10所以游了很多個潭。因為不用換來換去。十分方便。
我游了四疊潭、鳴幽瀑、井底潭和秋楓澗的的葫蘆瀑。

是次出席行友有
bear, dicken, sunny, lun,泳, 我

sunny 捐失最慘重，因為佢成個人由高處失足跌落水。幸運的是他沒有受傷，不幸的是他全身濕透，包括心愛的數碼照相機。

我自己就被對水上活動鞋擦甩了雙腳的皮，十分痛苦。

波神

波神Jordan 已到香港，雖然我不是他的忠球迷，但我也知道他是過去五十年的最佳籃球員。我也很想親眼目睹他的風彩，如果香港有電視台播出他在香港的所有活動就好來。

T-wolves 以三分之微在Game 7 擊敗Kings，取得西岸決賽的資格。這場比賽緊張但不精彩，可能是大家太緊張，沒辦法打出自己的最佳水平。

昨天有幸和微軟X-box 的猛人開會，這些人可能是認識把世界改變了很多的Bill Gate, Steve Jobs這些名人。

山藝課程的主辦單位的理論課真是十分悶。同時有好多野都只係輕輕帶過，講得未夠深入，例如急救用品。希望在實習時會講深入些。

水楊桃

昨日八仙嶺橫涌石澗左近有好多水楊桃, 我都食左幾粒, 第一次在地下拾野食

八仙嶺自然教育徑戶外教學筆記

休息時要搵個好位, 好位的定義: 安全, 舒適
具體些少: 背山, 有蔭

熱衰竭和中暑的分別

熱衰竭

身體大量流汗
損失大量水和鹽分便會逐漸形成熱衰竭

識別方法
1. 感到頭痛、暈眩、神志混亂
2. 沒有食慾、並感到噁心
3. 出汗、面色蒼白、皮膚濕冷
4. 四肢及腹部肌肉抽筋
5. 脈搏和呼吸急速，及微弱

急救目標
1. 把傷者移至陰涼處
2. 補充失去的體液和鹽分


中暑

通常係突發
患者可能於幾分鐘內人事不省

識別方法
1. 感到頭痛、暈眩及不適
2. 顯得不安及感到混亂
3. 皮膚炙熱、乾燥而泛紅
4. 身體反應程度降低
5. 脈搏強而有力
6. 體溫高於攝氏 40 度

急救目標
1. 盡快使患者體溫下降
2. 取得醫療援助

背包入面應有的東西

直昇機到的時候, 要收傘, 收帽, 搵個好位坐低
活動床的用法
扁帶的用法
攀山扣

全走雙鹿石澗

多謝issac, john, lester 和我一起全走雙鹿石澗, 上次是只走雙鹿的上游部份, 今次全走了. 雙鹿的潭瀑相連真係勁靚，睇多幾次都係咁正！

昨日唔知做乜搵唔到對5.10, 唯有著對gore-tex boot 行，對鞋不負所望，冇入水，但真係好「洗」,由於唔係著水上運動鞋，所以全程只在馴鹿潭落水。

John 哥同 Lester 都玩左好多險位，小弟第一未夠班玩險位、第二個膝蓋情況亦
俾唔到信心自己攀險位。後段john 哥玩赤腳, lester 對just 又整損腳, 大家都行得好慢, 反而膝傷最勁的issac 竟然行得最快, 前輩果然係前輩。

唔寫咁多，大家睇相啦。
相簿

腳的故事

昨天去了大陸福永, 走了不少路, 有時候過馬路還要跑, 大家知道在大陸過馬路的情況吧. 我的腳還是可以頂住, 看似來已經八十五巴仙康復, 但左右兩腳力量不一樣, 走路的時間還有一點點捌捌的.

山藝課程, 我還是想去星期天的八仙嶺, 但是我也擔心我的腳頂不住

昨晚在香港和一位朋友買皮鞋, 他最後買了一對Rockport 的皮鞋, HKD 749, 他現在的也是Rockport, 著了三年左右, 所以他很滿意Rockport 的表現
我現在也是穿Rockport, 但平宜很多, 我的只是四佰多, 但我又不想換來換去也是同一個品牌, 我是會換換別的同級產品.

剛剛上完第一堂

講師對時間的掌握唔係咁好, 但都幾輕鬆, 唔會好悶

我對腳今日又好左好多, 上完堂之後, 走路已經唔會捌捌o下
操返條筋的力量就應該冇問題, 下個星期可以復出喇!!!

山藝課程

昨晚剛收到信, 原來今個星期日有活動, 但我對腳都未夠70%, 所以今晚第一堂要同呀sir 傾傾。

我隻左腳已經唔痛但係冇力, 要做運動操fit 佢。至做乜運動, 有冇人有suggestion

試貼相片
小弟的照片

今天早上後膝筋還沒有完全回復, 所以請假一天, 在家裡休息休息.
膝蓋的進度不知在這個星期天可不可以去猴塘溪

老朋友又叫我到他公司去, 但我最怕就是他對我的expectation 太高, 不知道怎麼辨

剛剛知道黃毓民繼鄭大班之後又封咪, 香港的民主進程真係令人擔心.
NBA News: 憑著 fab4 (包括 GP) 有傑出表現, Lakers 0係主場以 24 分大炒 Spurs, series 追成 1-2 接近比數... Spurs 17 連勝中斷.

睇完醫生, 佢話我係後腿肌肉拉傷, 咁都冇咁驚. 不過就要休息一段時間冇得去玩
Dance: Juli 非常幫手, 幫我買左法國藝術節的狂熱, 六月有得睇, 上billy 度發覺佢都有幾多學生, 越多人學就越好!!
Hiking: 橫涌石澗的相已整理 http://www.fotop.net/kenthewolf/kenthewolf08
VFevo: 完來陳留的66k guard 後+2, 好惡, 最近係aoi 陳留雙修
BattleField Vietnam: 買左成個星期, 終於install 左喇, 做越兵時的越南話好得意, 在網上搵緊其他人的心得
Kill Bill 2: 睇左喇, 文戲好多, 唔多習慣, 最不滿就係呀bill 成個呀伯咁

終於set 左icq 可以收發file 喇!

對腳有少少進展, 但傷得比想像中嚴重, 要休息一段長時間

山藝課程條友仲未打俾我, 睇黎我都會主動搵佢喇

睇左 piston vs nets game 1
piston 的防守真係超勁, nets 呢個series 都兇多吉少

左腳仲係冇乜進展, 呢兩日都就住黎行, 搞到右腳都痛

Zire 72 越用越過癮!! 就咁可經 bt 收發中文sms 同 mms. 用bt sync 都set 到左喇

今日敗了 zire 72, 充電中.... 感覺良好

膝蓋的情況好似越來越嚴重, 真係要多多休息才可以

星期六
買左 5.10 water Tennie 水上活動鞋, 準備星期日的橫涌石澗之旅
電腦中毒, 買左個Router Surecom HKD 260, 因為解決左呢次隻毒, 下次又會中另一隻, 都係買個router 好d
裝左個英文windows XP.. 都係煩緊點先可以中文同日文共存

星期日
11點在大埔集合, 左等右等之後, 大約一點去到涌尾燒烤場, 因為人太多,所以要等三班小巴先人齊
橫涌石澗, 二星, 一向有行山的朋友都應付到, 但呢次真係唔少超級新手, 行程都幾慢
慢慢咁行, 第一個大瀑就係龍珠瀑, 龍珠瀑有十公尺高左右, 氣勢非凡, 可及梧桐寨的馬尾瀑
集齊人馬後溯澗而上, 終於到達大休地點, 靈璧潭, 此潭深不見底, 暢泳的好地方
一邊玩水, 一邊煮食, 人生一樂, 可恨是我們未有攜帶爐具, 只可以眼睜睜看著人家享受人生
乾糧大休後, 玩飽水後, 我們再慢慢出澗, 今日的旅程十分開心,
但在下山時速度太快, 又拉到上星期拉傷的後腿筋, 睇黎都要大休一兩個星期, 改去游水